OVERZICHT

SONGTEKSTEN

Muziekvideo

بنك حرب - خالد ال بريك & احمد الجويدي | ( حصرياً ) 2025
بنك حرب - خالد ال بريك & احمد الجويدي | ( حصرياً ) 2025 bekijken op YouTube

Verschijnt in

Luister naar 'بنك حرب - Single' van خالد ال بريك
ALBUMبنك حرب - Singleخالد ال بريك

Topsongs van خالد ال بريك

Credits

AUSFÜHRENDE KÜNSTLER:INNEN
خالد ال بريك
خالد ال بريك
Künstler:in
KOMPOSITION UND LIEDTEXT
احمد الجويدي
احمد الجويدي
Texte
تراث
تراث
Komponist:in

Songteksten

ياهبوب الشعر هبي لا استوى الليل و سريته
هاضني لحن المساري والهوا ذعذع براده
هاجس الحربي لا غنّا يلفت الأنظار بيته
مايقدم للعرب ياكود ما يرضي فواده
مرتفع دايم طموحي ابتديت ولا انتهيته
ولا اصدق من يقول ان البساطه بالسعاده
أتجاهل واتغافل ماورا صدري كميته
واتحدى واتصدى للمواقيف بـ ايراده
واتفكر واتامل فالزمان ولا شنيته
حاله يحير لبيب العقل لو كمّل رشاده
كم هقيت وكم هقيت وضاع كل اللي هقيته
تكبر الهقوات به واثره مكبّر للوساده
ادري ان الادمي ما ينفعه لوّه وليته
وادري ان الوقت قاسي والزمن يقدح زناده
ما كسبت الا رجالاً كل طيباً محتويته
ولا خسرت إلا ضعيفين الروابع والاراده
راكب اللي من مضارب حرب " لا منك عطيته
تطربك فيه الاناقه والرساوه والقياده
لكزساً ينفض حساب البنك لا منك شريته
قيمته قيمة عماره نص مليون وزياده
مقعده كرسي وزارة والفخامه في موكيته
لا قفيته زول ريم ولا نطحته عين غاده
اشهد انه راس مالاً ما تبيعه لا قنيته
مركب اصحاب السمو ومركب اصحاب السعاده
يعترض خط الرياض ويسري الساري بـ ليته
لا وصل للعاصمه شرقيها يلقى مراده
مقصده شيخاً ينومس لابته لا من نصيته
يفتخر به كل حربي ماهو بحاجة شهاده
الشعر في طاري المطنوخ يزهى لا بنيته
مايلحقّك الملام ومايلحقّك النقاده
يا سلام الله على العمري وتاريخه وصيته
شيخ قوماً بالمراجل ما ترجّل عن شداده
بنك حرب مويعزيً يعتزي لامن نخيته
فزعته تجلا ظلام الليل وتزحزح سواده
اليمين مويعزيه والحمايا مستميته
والطناخه تدفعه ياخذ على الجزله رياده
فاتحن صدره لضيفانه وجواله وبيته
ما نطق لا في حياته غير لا قال الشهاده
 
ياعسى يفداه رجلاً لا بغيته ما لقيته
لا غدت دنياك في عينك كبر عين الجراده
يا علي وش ما بقى بالطيب شي وما خذيته
بالكرم والجود والفزعات لك فعل وقياده
كم مكسوراً جبرت وكم معسوراً قضيته
ماخذن فعل الجمايل كنها عندك عبادة
كلٍ رجمٍ للمعالي والمفاخر قد رقيته
انت صقراً يكحل عيون العرب حزت هداده
راسك الطيب لغير الله تعالى ماحنيته
وانت نارك ماتعود حزت الماقف رماده
في ميادين الصياهد صيت جدانك حميته
من تحدى شوط سمحات الحمر يكسر عناده
يا مدور لاهل الفزعات رايي لا بغيته
لا لحقك امن الزمان اهموم وضروف ونكاده
ازبن لـ حرب الحرايب كل ما وقتك شكيته
كم على ظروف الاوادم اشعلو حرب الاباده
حرب ربعي من صطرهم بالسنوات المقيته
وسمهم على المطيه يعتبر رمز السياده
العمور اهل الحمايا كل مجداً - معتليته
يشهد الله في فعايلهم وتشهد به عباده
يا بني عمر الاشده ذكركم لا من طريته
العرب تاقف لكم تبجيل وتقدير واشاده
Written by: احمد الجويدي, تراث

Voettekst Shazam

Taal selecteren:

Bedrijf

Juridisch

Google Play Store
Apple App Store
Chrome Web Store
Galaxy Store

Volg ons

© copyright 2025 Apple Inc. en haar dochterondernemingen | Verantwoordelijkheid van leveranciers
instagramSharePathic_arrow_out