晚頭仔水蛙

日仔頭漸阿漸 落阿山後喔

(落阿山後喔)

田仔頭田仔尾 水蛙咯咯哮

(水蛙咯咯哮)

哮的聲 哦哦哦 耶耶耶耶耶

這甘不是小隻水蛙仔佇咧哭

曖唷咧哭 無伴甲伊來七逃

踮在彼邊田仔頭 目睭 阿匿一個匿一個

耶耶耶耶耶 無伴佇咧哭

晚仔頭水蛙 尚愛吃蚯蚓喔

(尚愛吃蚯蚓喔)

厝仔前厝仔後 四界佇咧巡

(四界佇咧巡)

哮的聲 哦哦哦 耶耶耶耶耶

這甘不是大隻水蛙仔佇咧叫

曖唷咧叫 相好的甲伊來七逃

踮在彼邊田仔頭 下頦 合一個合一個

耶耶耶耶耶 叫伊趕緊來

半暝水蛙 尚呀活動喔

(尚呀活動喔)

溪仔頭溪仔尾 去塊吃蚊蟲

(去塊吃蚊蟲)

哮的聲 哦哦哦 耶耶耶耶耶

這甘不是老的水蛙仔佇咧笑

曖唷咧笑 心愛的甲伊來七逃

踮在彼邊田仔頭 做堆 合一個合一個

耶吆耶吆耶耶耶 弄仔弄叮噹