يا مرحبا بالخيل

يامرحبا بالخيل واللى مع الخيل

اهل الشرف والمرجله و المعالي

كسابة لاطولات جيل ورا جيل

تاريخهم حافل بفخر و جلالي

ترحيب من الخاطر بلحن و مواويل

وفي يومنا هذا يطيب اختفالي

ضيوف على شعب اصيل بتاصيل

شعب الامارات الكريم المثالي

 اهل الرمك فرسانهم تسبق السيل

والخيل من الخيال فالاول و التالي

ماهيه مشرابه بمال و تحصيل

تلاد فيهم من قديم الليالي

خيل اغربيه في نسبها تفاصيل

 ردت لديرتها كما يرد غالي

 على كسبها باذلين المباذيل

ولا هي جديدة تنال شي ما ينالي

 فحولها سوو لاجلهن تماثيل

 خيول اوربا سلالت دالي

في وصفهن وصف البروق المشاعيل

ومن طبعهن الول وما ايجن تالي

ما يعطن السبق مسافه وتمهيل

في وخوذهن للحق حال بحالي

لهن انا موقع على صك توكيل

ضامن لهن من غير شك وجدالي

جنيتهن بالعز جني المحاصيل

ف اول صبايه وشفتهن راس مالي

فيهن صفات الانس فهم المعاضيل

وفيهن صفات الجن في الاحتمالي

اكرامهن فعل الكرام الرجاجيل

ومن هانهن جاهل من الفهم خالي

وفي تالي التالي لهن كل تبجيل

من فارس خيله بغلاه العيالي

والكاس هذا العام مابه تساهيل

للعالميه لي يناله ينالي

ياحظ من ناله بجهد وتحصيل

له التهاني و يشرب الفوز حالي