حبيبي وابن حبيبي (من مسلسل كامل العدد ++)

اللمّة تخلّي العيلة تملّي تقرّب مللّي

كده مللّي في مللّي القلب يدق أكيد مع عيلتي

أنا بقى مستكفي بيهم متدفّي بيهم متدفّي

هما اللّي حيلتي

كمل العدد خلاص يا قلبي

ما ألذّ ناس في الدنيا جنبي

دي عيلتي ييجي ألف حد

والبيت بينوّر بجد

ده لأنّ فيه حبايبي

هنا حد ليك في قلبه مطرح

حد بيدعيلك دعوة تنجح

وحد يحلّي وقتي

باللمّة دي يا بختي

وحد ليه دايمًا كده يقولي

يا عم أنت حبيبي وابن حبيبي وابن حبيبي

وبقول للدنيا بحالها

يا حلو إن أنت قريبي

يا عم أنت حبيبي وابن حبيبي وابن حبيبي

وبقول للدنيا بحالها

يا حلو إن أنت قريبي

عشان أنت حبيبي

آه وابن حبيبي

نفسي العيلة تكبر وتكبر

ويارب نزيد ونقرّب أكتر

وييجي هنا اللّي واحشنا

ده البعاد أصله حايشنا

ييجي ونفضل نهزّر

هنا حد معاه بنسى مشاكلي

وحد بنفَسه بيحلّى أكلي

حد بياخد عيديّة

وفي حضنه الدنيا ديّا

أجري عليه وفي حضنه أنا بقوله

يا عم أنت حبيبي وابن حبيبي وابن حبيبي

وبقول للدنيا بحالها

يا حلو إن أنت قريبي

يا عم أنت حبيبي وابن حبيبي وابن حبيبي

وبقول للدنيا بحالها

يا حلو إن أنت قريبي

عشان أنت حبيبي آه وابن حبيبي