ولاد الشمس

احنا ولاد الشمس

احنا ولاد الشمس

احنا ولاد الشمس

الدنيا معانا مش علي ما يرام

بس احنا ممشناش ف الحرام

السيره الحلوه والاحترام

هي اللي دايما بعد الرحيل

قد الدنيا بعون الله

مهما نعيش ونشوف معاناه

هاتي يا دنيا ايه تاني شيلاه؟

لسه بصحتنا نفسنا طويل

احنا ولاد الشمس

واللي ييجي علينا ميسلمش

احنا بنخوف ومبنخافش

سدادين ونسد عين الشمس

اسامينا بتشرف

دخلتنا لوحدها دي بتخطف

جرب حظك ياض لو تعرف

واحنا هنديك ف الاكشن درس

احنا اخوات ونموت علي بعض

ويا ويلو اللي معانا يتحط

وزي منت شايف بالظبط

محدش يقدر يتحدانا

احنا نفدي بعضنا بروحنا

شرفنا اي مكان في روحنا

احنا الفلوس مكانتش طموحنا

ولاد اصول وعنينا مليانه

اكله ونومه واحده

ايدنا واحده قلوبنا يا ناس جامده

احنا مش بنكن ولا بنهدا

الا لما نجيب حقنا

قوتنا ف العزوه

حتي لو دنيتنا دي مش حلوه

جمب بعض ف خير ولا ف بلوه

المهم نكون مع بعضنا

اي نعم احنا مش رجال اعمال

بس عمايلنا اعمال رجال

وف ضهر بعض علي اي حال

كل اللي شاف عزوتنا دا خاف

ربك ساترها عشان سالكين

عشان احنا من جوانا صافيين

بنشوف نداله م البني ادمين

بس احنا زي محنا نضاف

الشده بتشد

بس برضو احنا اسود بنسد

دحنا لو خدنا الموضوع عند

مش هتخلص ويانا بالساهل

صابرين علي الصبر

طيبين ف زمان مليان شر

جوه غابه ومفيش فيها مفر

بس لو هنخاف احنا هنتاكل

لا نعيشها ونعيش فيها عيشه فل

لاما هنموت احنا الكل

ف الدنيا شوفنا الويل والذل

بس احنا زي محنا وثابتين

علي وضعنا ومتغيرناش

لو كلو خاب احنا مخيبناش

ف ضهر بعض ومجلناش

زي ما ترسا والله المعين

اخوات و ع العهد

جمب بعض ميشغلناش حد

اي حد قصادنا علي القد

سدادين ولا حد معانا سد

الهيبه بتهيبنا

بختك اسود ياللي هتلاعبنا

لينا بصمه وهيبه مهما غيبنا

لو زعلنا نهدها يابا هد