مش يومين

مش مسامح عاللي فات ومش بلوم

حاولت ياما كتير انا ومفيش حلول

عشمت نفسي بالكلام وبالوعود

دلوقتي بان مين اللي صان مين اللي خان

طب قولي امتى بس شوفت خير معاك؟

جيت عاللي ياما عدى واستحمل اذاك

كل اللي فاتني من حياتي مش فداك

كل اللي كان مابينا كانه يوم ماكان

دول مش يومين دي كانت فترة من وجع كانت سنين

وبجد فيك قلبي اتخدع

كل اللي فات من ذكريات كانت معاك مش محسوبين

دول مش يومين دي كانت فترة من وجع كانت سنين

وبجد فيك قلبي اتخدع

كل اللي فات من ذكريات كانت معاك مش محسوبين

لو جاي فاكر انك انت لسه ليك

مكان في قلبي قولي مين ضحك عليك

ده القلب مات ومن زمان البركة فيك

دانا مش ناسيلك أي حاجه بس ناسيك

ده عمري ضاع على الدموع و ع الهموم

وروح بتدبل من العذاب يوم بعد يوم

وفر كلامك مهما تقول ملهوش لزوم

مفيش مابينا أي عتاب أو حتى لوم

دول مش يومين دي كانت فترة من وجع كانت سنين

وبجد فيك قلبي اتخدع

كل اللي فات من ذكريات كانت معاك مش محسوبين

دول مش يومين دي كانت فترة من وجع كانت سنين

وبجد فيك قلبي اتخدع

كل اللي فات من ذكريات كانت معاك مش محسوبين