Менин тилегим

Жаратып бизди өмүр тартуулап

Кандай керемет жашоо бергениң

Айды да күндү асманды жерди

Ааламдын бүткүл баарын бергениң

Раазымын сага чексиз Жараткан

Татыктуу жашап өтөлү деймин

Пенделик кылып жаңылсак жолдон

Кечиргин бизди ошол тилегим

Ар бир пендеге канча жашасак

Татыктуу өмүр жашоону бергин

Жаман жолдордон бир өзүң сактап

Жүрөгүбүзгө ыйманды бергин

Денсоолугубуз өмүрүбүзгө

Чыңдыкты жана бекемдик бергин

Убакытыбыз ар бир өтүшүн

Пайдалуу кылып береке бергин

Эркек аялга баарына бирдей

Түбөлүк бакыт ийгилик бергин

Үй бүлө күтүп балалуу болуп

Денсоолугу чың перзентти бергин

Адал эмгекти, адал иштерди

Ырыскыбызга береке бергин

Боорукерликти жакшы мүнөздү

Ниетибиздин түзүнөн бергин

Балдардын көрүп жакшылыктарын

Дени сак болсун ата энебиздин

Улгайган кезде урмат сый көрүп

Карылык бакыт ырысты бергин

Кыргыз элибиз куттуу жерибиз

Өнүгүп өссүн амандык бергин

Акыркы күнгө чейин сакталып

Алгалап туубуз желбирей берсин

Ааламда жерде мейкиндик болуп

Бүткүл дүйнөгө тынччылык бергин

Кабыл кыл ушул тилектеримди

Эки дүйнөлүк бакытты бергин