Уз язмышым

Үз язмышым бүләгем син,

Аллаһтан миңа язган.

Синең юлдан тайпылмыйча,

Бүген дә алга барам.

Үз язмышым учагында,

Януы нинди рәхәт.

Һәр тыныма, сулышыма,

Барсы өчен мең рәхмәт.

Үз юлымда очрый кайчак,

Давылы, каршы җиле.

Сынаулар сындырган чак та,

Салкын һәм айсыз төне.

Юк, барыбер язмышыма

Тотмыйм мин бер дә үпкә.

Сагышым да, ялгышым да,

Мине бәхеткә илтә.

Үз язмышым, үз ялгышым минем белән

Үз сукмагым, үз юлымнан атлап киләм.