النسخه الأصليه

إذا ينقاس الجمال، جمالچ مية المية

كل الحلوات تقليد، وانتِ النسخة الأصلية

انتِ احلى من باربي واحلى من سندريلا

غارت منچ شهرزاد و تغار منچ فلة

ياسمين وعلاء الدين قالوا عنچ مشالله

ليلى ومجنونه انجنوا قالوا مثلچ ماكو احلى

قلبي يدق جوبية، يدق دقاته

إيقاع الجوبية تعزف نبضاته

مو بس حلوة ومحبوبة

خذت عقلي بفرد نوبة

مو خد عدها تفاحة

مو وجه موتني بنوبة

لحط ايدينچ بيدي

وادبچ على اغنيتي

جوبية ويا غاليتي

وخلي الدبچ شبابي

جمال شكد الله انطاچ

رسم كنك مرسومة

الحلو حلو حتى لو كان

توه يقعد من نومه

أنا مارد لصير بفانوس

وحققلچ امنية

بحبچ لنجن ويقولون جننتو البنية

ياسمين وعلاء الدين قالوا مو طبيعية

مو بس قيس أنا انجنيت

هدي علينا شوية

قلبي تدق جوبية، تدق دقاته

عالدبچ الجوبية تعزف نبضاته

باگت قلبي المصيبة

باگتو وقالت ما جيبه

مو خد عدها تفاحة

والوجه ثامن عجيبة

لغني طول الليلي

ميلي على قلبي ميلي

لو صرتيلي يا ويلي

محظوظ وأمي تدعيلي