الدمع الازرق - يوسف شافي

سكت لين استحيت وحار تفكيري ياغايبي والليالي فيك معذوره

ان جازلك بالزمان ووقتنا غيري ربي معك لايهمك وبانت الصوره

ابرك من الدمع الازرق بنذكر خيري في وجه الايام مستوره وماجوره

لو خان حبر الورق روحي وتعبيري ماخانت الروح جرحا داخل سطوره

مديت كف الوفاء ماجاك تقصيري ورديتلي في قساك وبعدك وجوره

اذهلتني لين حبك مات به طيري ماعاد له بالحياه فرحا بحنجوره

سخر المواقع لو انه جاد تقديري ماشفتني في جروحي انفري بوره

الجرح يثقل على وغير تاثيري والقلب الاخضر معي ماخان جمهوره

ان كان ظعفي يهمك هاك تفسيري من يجرح القلب عندي منتهي دوره

لو كان ربي كتب غلطه مقاديري خيره ومن ربي الرحمن مشكوره

ليتك قبل طعنتك ارسلت تحذيري ولا جرحته بفعل الغدر وشعوره

يادمعتي استريني ويوم تحريري نعلن خبرها مع الايام منصوره

سكت لين استحيت وحار تفكيري ياغايبي والليالي فيك معذوره

ان جازلك بالزمان ووقتنا غيري ربي معك لايهمك وبانت الصوره