ربي يبيحه - هاوي نغم

الصاحب اللي غير اليوم ممشاه بكره يعرف العود من شم ريحه

مانيب راجي له ولا تابع رضاه مانيب قايل غير ربي يبيحه

يكفي فوادي من الغرابيل ماجاه يكفي لي سبع سنين نفسي جريحه

واللي هوى غيري من الناس مبغاه الله ولا مخلوق نفسه شحيحه

مااظن في مثله يسوي سواياه حيثه رضا بالذل وعاف النصيحه

بالامس ماشي له على كيفه مناه واسهر على شانه وعينه مريحه

واليوم غاب وراح ماعاد شفناه والجاهل المغرور ياسرع طيحه

واللي يروح انساه بكيفه وداه مادام ذا رايه فنفسي سميحه