يا خوي كل ماقلت- عواد الرغيان

ياخوي كل ماقلت يالوالد البار معزتك مثل الفيافي طويله

بصدورنا لو أبعدت دار عن دار راعي الوفاء يبقي غلاه وجميله

ربيتنا ياخوي من يومنا صغار من يوم ابونا مات واقفي رحيله

فتحت صدرك يالوفي وافر الاشبار ومنحتنا عذب الحنان بنهيمه

وقفت ماخليت يانسل الاحرار موقفك ماهو يوم ولاهو بليله

اتعبت حالك في مساريح الاسفار وهيجنت تتبع للربيع ونسيمه

وغيما نشاء بعد اللذي صار ماصار واستمطرت قل الليالي القليله

قلت اقبلت يوم اقبلت شحفه دار تغيرت دنياي تاهت دليله

حسيت بجروحي غدت كنها نار تصلي فوادي لين بين نحيله

تغربت روحي ياما الفكر بي حار واستيسرت جمح الخيال وصهيله

مثل البحر في عالمك كل الاسرار تبحر عيوني والمجادف خليله