ហួតហែង

I- ឱ! បាក់រទេះ​ ភ្លើងឆេះ​ ព្រៃធ្លាប់យកឃ្មុំ

   សាយណ្ហឯកភ្នំ ចាបយំ​ ទំសម្បុកធ្យូង

   អណ្តើកក្រាំងដី​ ក្សិណក្ស័យ​ ឆេះស្លាប់ក្នុងរូង

   បេះដូងក្នុងទ្រូង​ លោតទូង​ អង្រួនទឹកភ្នែក ។

II-ស្រណោះរាំងបឹង រស់ប្រឹង​ ដង្ហោយសង្គ្រោះ

    បងឈរនឹកឈ្មោះ​ ជំនួស​ ​អារម្មណ៍សង្វេគ

    សំឡេងស្វាខ្មៅ ដិតដៅ ទំនួញយំយែក

    យុត្តិធម៌ក្រោមមេឃ ដួលដេក​ ចោលពាក្យអង្វរ ។

R-ស្រឡាញ់អូនណាស់ កម្មក្រាស់​ សង្កត់វាសនា

    សង្គ្រាមដុល្លារ ប្រហារ​ ដួងចិត្តស្មោះស

    សត្វអស់ជម្រក ពន្លក(អឺយ) បងផ្លាស់របរ

    រនាមផេះថ្ម អារ​ក ចងដៃគូគាប់​ ។

III-ដើមរាំងងាប់ឈរ ពិព័រណ៍​​ នៃការព្រាត់ប្រាស់

     ដំបៅលែងសះ ឈឺណាស់ ខំសើចបន្លប់

    ទំនួញព្រឹក្សព្រៃ​ សល់ន័យ​ ខ្មាសក្លិនទឹកអប់

​​   ភូមិស្នេហ៍អភ័ព្វ​ ដណ្ដប់ ដោយផ្សែងមរណៈ ។

R-ស្រឡាញ់អូនណាស់ កម្មក្រាស់​ សង្កត់វាសនា

    សង្គ្រាមដុល្លារ ប្រហារ​ ដួងចិត្តស្មោះស

    សត្វអស់ជម្រក ពន្លក(អឺយ) បងផ្លាស់របរ

    រនាមផេះថ្ម អារ​ក ចងដៃគូគាប់​ ។

III-ដើមរាំងងាប់ឈរ ពិព័រណ៍​​ នៃការព្រាត់ប្រាស់

     ដំបៅលែងសះ ឈឺណាស់ ខំសើចបន្លប់

    ទំនួញព្រឹក្សព្រៃ​ សល់ន័យ​ ខ្មាសក្លិនទឹកអប់

​​   ភូមិស្នេហ៍អភ័ព្វ​ ដណ្ដប់ ដោយផ្សែងមរណៈ ។