Ятцаз

Улмо сётозы тыныд но, тон эн сиы, туганэ

Муртлэсь кылзэ кылзӥськыса, эн люкиськы, туганэ

Яратӥсько мон тӥледыз, уг лу тӥтэк улэме

Яратонэ дунне вылын ӧвӧл тӥ кадь мусоез

Уӵы чирдэ чын меда но, тэльлы быдэ вань меда?

Тӥ туганэ весь тодам но тӥляд тодады вань меда?

Яратэмъё-яратэмёс дас лывоз

Яратэмъё дас лывоз но кылдэмез одӥг лывоз

Тӧдьы Камын тӧдьы чорыг кутыло, дыр, вань калык

Милям таӵе визьтэммылы паймыло, дыр, вань калык

Шудом, эшъёс, шудом эшъёс

Шудом 25 аресозь, шудом 25 аресозь

Шудом 25 аресозь но, дауръёсмы ортчытозь

Узы но боры Камдур емыш али ке ӧй, ку-о сиём?

Ортчоз, быроз пинял даур али ке ӧй, ку яратом?

Чилялоз но ворекъялоз Кузон лавка замоед

Кыдекысен мусо адскоз ас яратон туганэд

Дуно (й) ӧвӧл сиеммы но, дуно(й) ӧвӧл юэммы

Туж ведь дуно асьмелэн но тазьы валче улэммы