Эр Санаа Ох-Хотор

Саха туруктаах уолуң иһэр!

Хайа тардар, дабайыы күүтэр.

Миигин ыңырар, миигин кэтэһэр

Хайа үрдүгэр \"хотой үңкүүтэ.\"

Айыы Тыыннаах

Эр Санаа Ох-Хотор!

Кыайыы кынаттаах

Көтөр уол-хотой!

Кутун талан - куттанан,

Боотур сүрэҕэ тэбиэхтээх.

Куту таҥан - куйахтанан,

Хотой үөһэ көтүөхтээх.

Айыы Тыыннаах

Эр Санаа Ох-Хотор!

Кыайыы кынаттаах

Көтөр уол-хотой!

Күлүгүн кытары хапсыһар,

Олоҕун туһугар охсуһар.

Бэйэтигэр куруук хотторор,

Абааһытын куруук охторор.

Охтуом, туруом,

Көнө суолга туруом!

Түһүөм, тахсыам,

Инним хоту түһүөм!

Сүтүөм, төннүөм,

Салҕыы баран иһиэм!

Өлүөм, тиллиэм,

Хайаан да мин кыайыам!

Айыы Тыыннаах

Эр Санаа Ох-Хотор!

Кыайыы кынаттаах

Көтөр уол-хотой!

Хот өйгүн -

Хотойгун!

Сүрэҕиҥ уот - көмөлөһүө.

Бэйэҕин хот - ой үөһэ.

Хайа - тардар!

Хайа - тардыам!