О Махаббат

Айым-ау, саған деген әнім басқа,

Бола ма сендей жанды сағынбасқа?

Айтатын таусылмайтын сырларым бар,

Өзіңдей жайраңдаған ару қызға.

Күнім-ау, бұрын қалай жолықпадың,

Татпаппын сағыныштың анық дәмін.

Қалайша сенсіз жүріп мен қуанғанмын,

Қалайша менсіз жүріп сен де қорықпадың.

Сағындырған, о махаббат,

Жанымды жүрсің нұрға бөлеп.

Табындырған, о махаббат,

Қасиетің бар бір керемет!

Бола алмас мен сияқты әркім ғашық,

Ойлаймын кейде өзіңді ұйқым қашып.

Сен маған сенсең деп ем, көрсең деп ем,

Жасырын жүрегіңнің құлпын ашып.

Сағындырған, о махаббат,

Жанымды жүрсің нұрға бөлеп.

Табындырған, о махаббат,

Қасиетің бар бір керемет!

Сағындырған, о махаббат,

Төзімім бар ғой өзің берген.

Ойнамашы, о махаббат,

Мендегі әсем сезімдермен.