Аиааира

Са схәыҷын, аха исхамшҭуа

Сгәалашәараҿы инхеит

Аҧхын шоура зегь ангәырӷьоз

Ҳадгьыл алашьцара ахаҧеит

Сашьцәа қәыҧшцәан,

Ҳгәар иҭыҵны ҳаҧсадгьыл ахьчара ианцоз

Сыла ҭраа схыҧшылон рышьҭа

Ҧшӡала аҳәон иҵысуа снапы ишьҭысхыз

Ӷьашьа змам ахәра ҳнаҭеит

Уи аибашьра хлымӡаах

Игәаларшәагоу амшқәа ннажьит

ҳажәлар ирлахьынҵахаз

Хашҭра рықәым зхы иамеигӡаз

Жәларык ҳадгьыл еиқәзырхаз

Ҳаззыҧшыз агәырӷьаҿҳәаша

Ҳала иазырбаз

Аиааира! Аиааира!

Ҳҵеицәа ршьала ҳадгьыл иазааргаз

Аиааира! Аиааира!

Ҳиашараз иҳаимҭеи ҳазшаз!

Ҳхәцра далоуп ессымшааира

Ҳиааира здаҳҳәало уаҩны

Агәаӷьреи агәӷреи ҳазҭаз

Ҳаҧхьагылаҩ Владислав

Хьаҵшьа змамыз ҳажәлар гәыраз

Аҧсны ҳаҧшәымацәан ҳанхарц

Ҳа ҳнапы ианырҵаз ҳуалҧшьа

Ҳаӡәыкны инаҳагӡалап!

Аиааира! Аиааира!

Ҳҵеицәа ршьала ҳадгьыл иазааргаз

Аиааира! Аиааира!

Ҳиашараз иҳаимҭеи ҳазшаз!

Аиааира! Аиааира!

Ҳҵеицәа ршьала ҳадгьыл иазааргаз

Аиааира! Аиааира!

Ҳиашараз иҳаимҭеи ҳазшаз!

Нагӡара умаз са сыҧсадгьыл!

Нагӡара!