Псалом 141

Гласом моим ко Господу воззвах, гласом моим ко Господу помолихся

Пролию пред Ним моление мое, печаль мою пред Ним возвещу

Внегда исчезати от мене духу моему

И Ты познал еси стези моя: на пути сем, по немуже хождах, скрыша сеть мне

Смотрях одесную и возглядах, и не бе знаяй мене

Погибе бегство от мене, и несть взыскаяй душу мою

Воззвах к Тебе, Господи, рех: Ты еси упование мое, часть моя еси на земли живых

Вонми молению моему, яко смирихся зело, избави мя от гонящих мя

Яко укрепишася паче мене. Изведи из темницы душу мою, исповедатися имени Твоему

Мене ждут праведницы, дондеже воздаси мне