Выль ар уе

Одӥг киям мон кутӥсько кидэ,

Нош мукетаз - шампанскоен бокал.

Вӧзам матысь адямиос гинэ,

Выль ар вуэ, вуэ шудо Выль ар!

Кызъёс вылын пишто нош яркытгес

Яркыт пишто чебер кизилиос.

Мон курисько, мон курисько тонэ

Эн вунэты, эн вунэты монэ.

Мон курисько тонэ, эше,

Ойдо луом котьку ӵошен.

Выль ар уе пальпотыса,

Кызъёс пишто ворекъяса.

Шудо луоз мед дуннемы,

Выль ар уе ӟыгыртскомы.

Вунэтомы куректонмес,

Сюлмысь утём ог-огмес.

Лымы нылэн дыртэ ни Тол Бабай,

Трос кузьымъёс вае, дыр, милемлы,

Нош мон аслым огзэ гинэ малпай:

\"Шудо луоз, луоз мед дуннемы\".

Кызъёс вылын пишто нош яркытгес

Яркыт пишто чебер кизилиос.

Мон курисько, мон курисько тонэ

Эн вунэты, эн вунэты монэ.