Мэзгуащэ

Багъымэ я Мыкӏуакӏорэ дышъэ къотаси, уо-уиу!

Хъаныкъом итарэнтасыри пхъэджэшъуищи, уоо!

Жъэумадыкъо зэшищыр тхьэм щэгугъри, уо-уиу!

Хьэкурынэр зыщыгугъырэр Бирамкъули, уоо!

Бирамкъулэ шэу зытесри алашэ тхьэкуи, уо-уиу!

Ишхонкӏэкӏ дэкъакори джынэузи, уоо!

Ишхонкӏэкӏ дэкъакори джынэуз, уо-уиу!

Ежьыри шэйтаныузышъы шъуемыкӏуалӏи, уоо!

Джанджатмэ я Къуйнэшъуми пщынэр къегъэгъы, уо-уиу!

Тӏатӏрыхъу игъы макъэми мэлхэр егъащтэ, уоо!

Арэдэ, пщыкъо нахьыкӏэми тхылъыри къетхы, уо-уиу!

Нэчыхьэр афэзытхыгъэр хьапсым къычӏэплъы, уоо!

Кӏуаеу Борэкъо цӏыкӏуми дышъэр къегъалэ, уо-уиу!

Мы ӏофым хэделахьыгъэр Хьэкурынэ Тыгъужъи, уоо!

Багъымэ я Мыкӏуакӏори зэтырахы, уо-уиу!

Мэзыгуащэ загъэмэхыми кӏэгъожьыгъи, уоо!

Цуамыкъоу Лъэустэнкъулэри уинэкӏу джашъуи, уо-уиу!

Хьэбэхъумкъо джашъори псэлъыхъу пащи, уоо!

Хьэбэхъумкъо джашъори псэлъыхъу пащ, уо-уиу!

Пэщэкъоу Тхьэйшъэожъри орэдыуси, уоо!