落大雨彼一日

彼早起呀落大雨 落甲彼下埔

為著等伊害阮衫褲 屋甲淡糊糊

啊 愛情算來甘帶苦 表示初戀的熱度

想起來 也是為著幸福的前途

今日落雨想起彼時 在落雨街路

彼早起呀落大雨 落甲彼黃昏

兩人講話太過興奮 不驚雨大陣

啊 伊講父母不允准 甘願看破從孝順

說起來 真是誤著寶貴的青春

今日落雨想起彼時 心頭越憂悶

彼早起呀落大雨 落甲彼半暝

雨水清冷伴阮行到 寂靜的深更

啊 傷心提起要分離 兩人抱著目屎滴

想起來 總是一項可惜的代誌

今暗落雨想起彼暝 加添心稀微