Ат келет

Урматына Манастын, Дүйнөдөн эл келишти

Кылым айтым түгөткүс, кызык тойдү көрүштү

Түнкү уядан Ала-Тоо, ат чабыштын маарасы

Күлүктөрдүн күлүгү, Сыналышат карачы

Ат келет аттар келет, желдей учуп бат келет

Дүңгүрөтүп жер шаарын, аккуладай арышып

Бабалардын салты экен, аргымактар жарышы

Куштай учуп сызышат, тоо талааны калтырып

Кетер үчүн ким чыкса сыйлыктарды артынып

Ат келет аттар келет, желдей учуп бат келет

Ат адамдын канаты, деген сөз бар элимде

Ат туягы баспаган, жер жок чыгар жеримде

Куйрук жалы төгүлөт, көз кандырат сымбаты

Жакшылыкта той берген , кыргыз элим кымбаттым

Ат келет аттар келет, желдей учуп бат келет

Ак куладай чамынган көк ат келе жатабы

Жер дүбүртү угулат көк ат келе жатабы

Алдына ат салбаган сары ат келе жатабы

Өзү чыкпай жал жипке,жайдак келе жатабы

Тээ белестен көргүлө, кашка ат келе жатабы

Куйрук жалы төгүлөт, башка ат келе жатабы

Толубайдай сынчыны тосуп келе жатабы

Ата салтын улантып ат чабышып жатабы

Темир Назаров