Болмасын Кеш

Болмасын кеш

Әні Қайрат Баекеновтікі

Сөзі Қанат Жүнісовтікі

Алғаш орындаған Арман, Хамит, Қайрат

Сырласып ек, гүл ашып ек

Сауық кешінде, бәрі де есімде.

Неге бірақ, кеттік жырақ

Жауапсыз қалды ойда сансыз сұрақ.

Қайырмасы:

Неге, жаным,

Алыстадың.

Қалайша қауышпадым, табыспадым.

Арман – елес,

Болмасын кеш.

Табыспай қалуымыз мүмкін емес.

Асық кездер, ғашық көздер

Айтам несіне, сенің де есіңде.

Күндер өтті, мезгіл жетті.

Көңілден үнсіз ұшып құстар кетті.

Қайырмасы.

Махаббат ол мұңсыз емес

Үміт үзбе, болмасын кеш.

Таусылма тек төзім.

Махаббат-шынайы сенім мен сезім.