Ялан возьмаськод

Кемалась дунне вылын

Яратон вордиськемын…

Жыныез калык шудо на,

Жыныез синмаськемын.

Трос кылъес но кылбуръес

Гожтизы адямиос:

Одигез бурдъяськемын ке –

Мукетыз кин ке бордоз…

Ялан тон монэ возьмаськод!

Ялан синвудэ кисьтиськод!

Ялан мон сярысь малпаськод!

Ялан мынэсьтым тон мозмиськод!

Куддыръя мон паймисько:

Мар тонтэк на улисько?

Нош, эркын тылобурдо кадь,

Лобаны яратисько.

Мон уг яраты ноку.

Тон сярысь малпаськыку,

Сюлэмам номыр уг пишты.

Кырзало тыныд соку:

Кемалась дунне вылын

Яратон вордиськемын…

Тынад сюлэмыд висе ни –

Мынам овол сайкамын

Тон эн куректы ноку,

Мон сярысь малпаськыку!

Оло дыр тросгес ортчиз ке,

Валалод монэ соку…