Уйвӧтам гинэ

Вазь ӵукна луд вылын

Турналоз атай турын,

Анайлэн куараез вӧлмоз шур дурын:

Сюлэмез бугыртоз

Шаерме шобыртоз

Яратон – пиезлы сӥземын…

Уйвӧтам гинэ

Кырӟало тонэн –

Кыдёкын тон, табере,

Анае…

Уйвӧтам гинэ

Дышетод монэ –

Кыдёкын тон, табере,

Атае…

Ки вылаз лэйкатоз,

Кӧлыны бордаз выттоз,

Пальпотӥсь бамъёсаз лушкем чупалоз.

«Вунэтоз-а монэ,

Вӧталоз-а туннэ?...» –

Пиезлы анаез кырӟалоз.

Уйвӧтам гинэ

Ӟыгырто тонэ –

Кыдёкын тон, табере,

Гажанэ

Уйвӧтам гинэ

Вешало тонэ –

Кыдёкын тон, табере,

Мусое

Кылӥськод-а монэ?

Шӧдӥськод-а сюлэмме?

Тӥледыз малпатэк уг лу улэме!

Бурдъёсме вандыса,

Тӥ пала пегӟысал,

Пилемъёс ватӥзы-ке инмез!

Уйвӧтам гинэ

Кырӟало тонэн –

Кыдёкын тон, табере,

Анае…

Уйвӧтам гинэ

Дышетод монэ –

Кыдёкын тон, табере,

Атае…

Уйвӧтам гинэ

Ӟыгырто тонэ –

Кыдёкын тон, табере,

Гажанэ…

Уйвӧтам гинэ

Вешало тонэ –

Кыдёкын тон, табере,

Мусое…

Уйвӧтам гинэ

Мон берто доре –

Кыдёкын вордскем гуртэ,

Табере…