Уйгу читкен

Уйгу читкен...

Удуп чадап пат-ла болдум.

Ужурул чүл,

Ужу-бажы чогум кайдал?

Угаанымда үен-даян

Угдунмас хөй бодалдар бе?

Ужурашпайн барганымдан

Ундаралдың уржуу ол бе?

Уттундурбас, башта сиңген

Уяранчыг аялга бе?

Чааскаанзырал –

Чарылбастаан мээң эжим.

Чааскаанзырал –

Чанымче бээр чедип келем.

Чүге мени кагбастадың,

Чүнү бодап олур сен че?

Чааскаанзырал, чааскаанзырал

Чаңгыс сеңээ бүзүрээр мен!