半江紅

離合器 變速箱

轉波畀油 過邊疆

其實我 無方向

開到別國異鄉

生死狀 隨風飄蕩

駛入掘頭巷 懶勁別回望

宿命大門我照撞

熱烈氣氛 整首詩爽爽

Hey, hey, hey, hey (雲和月太高 走八千里路程 明明係著草 三百幾個罪名)

怒髮衝冠 (雲和月太高 走八千里路程)

瀟瀟雨歇 空悲切切 (明明係著草 三百幾個罪名)

抬望眼仰天一嘯 唔係太記得

騎著快車 (雲和月太高 走八千里路程 )

文字欠缺 (明明係著草 三百幾個罪名)

追兵殺到 壯志饑餐標鼻血 (雲和月太高 走八千里路程 明明係著草 三百幾個罪名)

何時滅後接句乜 靖康恥點解不雪

成頭大汗我理得你 笑笑渴飲匈奴血

兩個轆 半缸油

國文中史 無乜修

查實我 性忠厚

跟宋代 無代溝

飆車族 浮生之慾

闖混亂時局 書就係唔讀

宿命面前再發育

憑欄對江 開手機碌碌

Hey, hey, hey, hey (Woh, woh, woh, woh)

怒髮衝冠 (一個跑 幾個追 拐子馬衝破)

瀟瀟雨歇 空悲切切 切乜 (相差四呎 走走趯趯)

抬望眼仰天一嘯 (有乜好笑)

唔係太記得

騎著快車 (前面借歪)

文字欠缺 (追到咳 鬼記得 吞聲忍氣)

追兵殺到 壯志饑餐標鼻血 (紙巾有無 我就嚟貧血)

何時滅後接句乜 靖康恥點解不雪 (廢話少說)

成頭大汗我理得你 笑笑渴飲匈奴血

騎著快車 (前面借歪)

靈活跳脫 (追到咳 亂咁噏 鬆一口氣)

精忠報國 背脊刺青超熱血 (皮褸貴到 怕老婆聞說)

隨隨便便接句乜 半桶水更加灑脫 (半身虛脫)

求其是但最尾一句 拆爆你天宮地闕