Хазина (Ҡош юлы-2014)

Мөхәббәт булмай был йәштә

Мөғжизәләр була төштә

Хазина бит була көршәктә

Ә мин таптым уны тышта

Балҡып торған бер ҡояшты

Яраланған яңғыҙ аҡҡошто

Яраланған яңғыҙ аҡҡош

Күҙҙәреңдә - наҙлы һағыш.

Мин бит һине эҙләп тапҡан инем

Ана шулай ошо йәштә

Тотоп алдым тиле ҡошто

Ысҡындырмаҫ инем ҡулымдан

Тота алманым - осоп китте

Ер шарының аръяғына

Йөрәгемде алып янына

Даръяларҙың ярып боҙон

Яраларҙың ялап тоҙон

Барыр инем дә бит яныңа

Ағас япраҡтары һары

Ә күңелдең тағы яҙы

Тиле ҡошом, бәлки ҡайтырһың.

“Бабайым”,- тип наҙлап һөйөп

I love you, my baby тиеп

Осрашырбыҙ әле моғайын

Яраланған яңғыҙ аҡҡош

Күҙҙәрендә наҙлы һағыш

Осрашырбыҙ әле моғайын көн һайын