Өмірді Шымқалада сүр!

Бейнелеп бере алмайтын қыл қалам асыл,

Келбетіне әндетіп, шырқа да бас ұр.

Бір-ақ рет берілер өмір адамға,

Сол өмірді Шымқалада сүр!

Ажарыңа мен қалай мін таба алар ем?

Теңеуіңді дәл тауып, кім табады әуен?!

Жеті миллиард жан жүрген жердің жәннаты,

Бақытты екем туылған Шымқалада мен!

Таудан теріп қайтатын көктем гүлдерін,

Жалғыз жүрмей жағаңда көппен бүрледім.

Шын қызықты ғұмырдың бір бөлшегіндей,

Шымқалада өткен күндерім.