Бывайце здаровы

Бывайце здаровы, жывiце багата

А мы ўжо ж паедзем дадому, дахаты

У зялёнай дубраве мы начаваць будзем

І вашае ласкi вавек не забудзем

У вашай гасподзе шырокае поле

Няхай жа на шчасьце цьвiце ваша доля

На рэчках на вашых бурлiлi каб воды

Каб плавалi з крыкам гусей карагоды

Каб жыта ў полi трубою вiлося

Каб сала ў хаце кубламi вялося

Штодзень у капусьце каб плавала скварка

Да скваркі часiнай вялася б i чарка

Яшчэ вам жадаем прыбытку ў хаце

Ня мала, ня многа - штогод па дзiцяцi

Ня будзьце вы крыўды яшчэ i за тое

Калi пашанцуе на год i па двое

Дарогу ж мы знаем да вас, ягамосьці

I езьдзіць мы будзем да вас часта ў госьці

Эй, хто на адведы

Эй, хто на радзіны

Вазіць караваі па дзьве паўасьміны