ظنيت بك خيرا (لايف)

ظَنَّيت بك خيراً وظني ماصدق..

بَعضِ الاماني ليه نتمناها

شَبّيت شمعه لين ما كلّي احترق..

يا هـالبشر ما تعتبر باخطاها

طوقْ النجا ما ينفعك عقب الغرق..

قدها وزت وأنت الذي وزّاها

َرَسَمْت ليلي همّ و لوّنته أرق..

عَجزت أوصل فرحتي و أرقاها

لو الأمل لاح بسما حظي برٓق..

تضيع هقواتي ولا القاها

إِثماً وقَهراً خذت باللّي مَا استحق..

مٓا ارضى زَعلكْ وُ دَمعتي تِرضاها

لاخذت باطل منْك أنا لا خذت حق..

أول مُعاناتي جَهلتْ أقصاها

صوّت لكْ يا لين ما صوتي اختنَق..

اصْرَخ و صَرخاتي يرد إصْداها

شقّ الحزن صدري و لا حنّ و عتَق..

بحتِك وفــ آخرتي عسَى ألقاها

اقسى حجر من حرّ مافيني نطق..

اسأل إلهٰي حالتي يبراها

إني على ما قيل عمري انسرق..

لحظة وداعي شِفني اتْحرّاها

يا شين حظّي ليه مع مثلكْ وفَق..

ليت بإيديني صفحتي وأقراها

استغفرك يارب من كل ما سبٓق..

تبْتك و نفسي أنا بنهاها

ثاري حياتي كلها حبر ورق..

لـ لله دَرْ بو سارة لا غنّاها