Алһыу пион

Тыған көнгә бүләк иттең алһыу пион,

Хистәребеҙ ҡауыштырҙы ярһыу ҡуйын.

Әйттең һөйөү билдәһе тип алһыу пион,

Ауыр саҡта тинең гелдә миңә һыйын.

Хәҙер баҡсамда үҫтерәм алһыу пион,

Гөлдәргә ҡараған һайын шундай ҡыйын.

Серҙәремде сисәм һиңә алһыу пион,

Йәшлек таңым иҫкә төшә йәйҙәр һайын.

Мөхәббәткә шаһит булды алһыу пион,

Күңелдәргә инеп тулды һөйөү ҡойон.

Йылдар аша балҡый төҫлө алһыу пион,

Ниңә йылдар айырылды алһыу пион.