Гел юлдамын

Тәгәрмәстә иҙеп китте уны

Ямғырҙарҙа ергә һырышты

Көлөп торҙо туҙҙан күмгәндәлә

Шулдыр инде һөйөү тормошто

Юлға сыҡмаһамда - гел юлдамын

Яҙмыш алға - ҡуя, алдамын

Иҙелһәм дә күңелдәрем сатнап,

Буш дан, маҡтауҙарға алданмам

Өҙөп китте берәү таж-япрағын

Тамырында һутты тулышты

Ул яңынан сағыу сәскә атты

Һаман биҙәп тора тормошто

Юлға сыҡмаһамда - гел юлдамын

Яҙмыш алға - ҡуя, алдамын

Иҙелһәм дә күңелдәрем сатнап,

Буш дан, маҡтауҙарға алданмам

Күңел сәскә етенсе ҡат күктә

Күҙләй һаман керпек талдарын

Ашһам ине бер саҡ шул күктәргә

Ысын егет даным ҡалдырып