Әп Әдемімсің

Бәрінен де бағалым,

Бәрінен де адалым,

Сенсің сүйген адамым,

Бұл өмірде.

Кетпе менен жырақтап,

Қалшы мәңгі тұрақтап,

Күн кешейін шуақтап,

Жүрегіңде.

Әдемімсің, әдемімсің - көрік берген бағыма,

Әлегімсің, жан емімсің - бірақ менің жаныма.

Әдемімсің, пәк едің шын - дақ салмаған арына,

Әдемімсің, әдемімсің - бақыттымын барыңа!

Түсінерсің сен мені,

Тағдырымның бергені,

Саған деген мендегі,

Сезім дара.

Қарашы бір көзіме,

Сенші менің сөзіме,

Лайықтысың өзіме,

Өзің ғана.