А ў цёмным лесе

А ў цёмным лесе сава кугічыць

Люлі-люлі, сава кугічыць

А ў чыстым полі муж жонку клычыць

Люлі-люлі, муж жонку клычыць

Ты, жонка мая, людзям падмана

Люлі-люлі, людзям падмана

Калі ж ня верыш, а мой міленькі

Люлі-люлі, а мой міленькі

Купі званочак пад падалочак

Люлі-люлі, пад падалочак

Як хто затроніць, званок зазвоніць

Люлі-люлі, званок зазвоніць

А ты пачуеш – мяне ўратуеш

Люлі-люлі, мяне ўратуеш

Званочак звоніць ля самай хаты

Люлі-люлі, ля самай хаты

А муж ня чуець – ён глухаваты

Люлі-люлі, ён глухаваты