Topsongs van Marwan Moussa
Credits
KOMPOSITION UND LIEDTEXT
Marwan Moussa
Songwriter:in
Songteksten
[Verse 1]
البوصلة ضاعت، في المحيط
رسمت الطريق من أول وجديد
التشابه بين الفجر وغروب الشمس بالنسبالي كان شئ غريب
حياة وموت، زائد سالب
بين الاتنين انتي فعالم تالت
[Verse 2]
عمر طويل، بس في ثانيه خانك
لو رجعت بينا، زي ما كانت
بصيت لفوق عملت فحص
موتت جوه نفسي كذا شخص
مفيش حد فينا مبيغلطش
أنا وضميري في مسابقة رقص
أنا بحاول أفتكر كل الليالي اللي ساحت في بعض
أيامها دنيتي كانت سهله بس أنا الي فضلت مصمم عالصعب
[Verse 3]
بحر كبير، مش عامل صوت
نور القمر سايح علي الموج
بنموت من الخوف بنخاف من الموت
كلها شوية ونطلع علي فوق
ده اللي عندي، ده اللي عندي
ناس كتيرة مبقتش جنبي
هما المفروض كانوا يشيلو عني
مبين لهم إن الدنيا بمبي
عايزين يقروني زي الكتاب
فا اديت لنفسي شويه تعليمات
وش بدون اي تعبيرات
مطبات، ملفات
[Verse 4]
الناس دي عاملة زي البلالين!
حابس جوه نفسي مساجين
وسط الزحمة نسيتلك أنا مين
حاسس اني لوحدي وسط ملايين
ملامحي اختفت مخي ابتدي يسيح
والبطاقة طارت مع الريح
مفيش مستقبل مفيش تاريخ
في دلوقتي عايز أعيش
[Verse 5]
عايز أعيد عايز أتحول
بقولها كتير وبتتفوت
عايز أحس إن في شخص اتكون
عايز ألعبها تاني من الأول
مصيبة لو فضلنا زي ماحنا
قضينا وقت طويل ليلاتي بنحرق
بدأت أتغير وأنا فنص الرحلة
فهمت نفسي وأنا فقلب الوحدة
بنيت لنفسي مرايه جديدة
شمس بعد ليلة طويلة
جهزت وطلعت عالسفينة
بس الدنيا دي غريبة
[Verse 6]
أصل البوصلة ضاعت في المحيط
رسمت الطريق من أول وجديد
التشابه بين الفجر وغروب الشمس بالنسبالي كان شئ غريب
حياة وموت، زائد سالب
بين الاتنين انتي فعالم تالت
عمر طويل، بس في ثانيه خانك
لو رجعت بينا، زي ما كانت
بصيت لفوق عملت فحص
موتت جوه نفسي كذا شخص
مفيش حد فينا مبيغلطش
أنا وضميري في مسابقة رقص
أنا بحاول افتكر كل الليالي اللي ساحت في بعض
أيامها دنيتي كانت سهلة بس أنا الي فضلت مصمم عالصعب
(أنا بحاول أفتكر كل الليالي اللي ساحت في بعض)
Written by: Marwan Moussa
