種一欉樹

漢仔 咱莫閣再吵好否？

敢講你毋知你對我來講早就是上重要的倚靠？

雖然咱袂當選擇 不過咱會當面對啊！

……我從來就毋捌後悔嫁予你……

我嘛無想欲傷妳的心啊！

我嘛無想欲怨你啊！

現在 我只存妳 佮咱的囡仔！

現在 我嘛只存你 佮咱的囡仔！

我只有一身的落薄 其他啥物攏無

你是阮母囝的倚靠 阮永遠是你的寶

經過生命的千風萬浪 我的心已如破碎的梧桐

你卻是我生命當中 無限的芬芳

困苦的日子

咱家己揣感動

絕望的生活

咱家己存寄望

等待春光……

有一工 我若老甲發喙鬚

咱就來種一欉樹 叫做無憂

起一个巢 叫做溫柔

牽著咱囝的手 種一欉樹 等待秋收

有一工 我若老甲發喙鬚

咱就來種一欉樹 叫做無憂

起一个巢 叫做溫柔

牽著咱囝的手 種一欉樹 等待秋收