OVERZICHT

SONGTEKSTEN

Credits

AUSFÜHRENDE KÜNSTLER:INNEN
尹光
尹光
Künstler:in
KOMPOSITION UND LIEDTEXT
古曲
古曲
Komponist:in
唐滌生
Songwriter:in
周熾楷
Komponist:in

Songteksten

是誰寶盒藏詩畫 燈下凝眸細看查
不似觀音 又不是嫦娥呀
卻是似曾相識 一位名門佳麗呀
奇啦 係邊到見過呢吓
佢若是慈悲觀世音 定有金童玉女伴
手捧楊枝甘露 腳踏萬朵蓮花
佢雖則貌美俏嫦娥
但冇蟾宮丹桂傍 倘或下降凡間
定有彩雲護駕
我挑燈仔細看丹青 拭目抬頭重新認
啊 卻是似曾相識 個一位絕代嬌娃
彷彿疑是夢中人 腦際心間留倩影呀
猶記佢掩扇含羞 坐在紅梅花下
畫中人 莫非就是我嘅夢中人 似啦
似畫原無價 猶似月籠紗 玉蘭般幽雅
佢有緣下嫁 待我挑燈看真她 看真她
似嬌娃 一點桃唇相襯玉芽
畫裡現 真真 畫邊留艷句 真個是妙筆生花
是一首百花詞 抑或是一首紅荳詩
是白頭吟 還是癡心話
近睹分明似儼然 遠觀自在若飛仙
他年得傍蟾宮客 不在梅邊在柳邊
奇啦 對住我笑㗎噃
畫中人對我微含笑
惱煞無端風起亂燈花
我叫句畫裡真真
死啦
一念到佢無姓無名 聲黯啞
為使芳魂來入夢
唯有半掩紗窗去會她吧
風吹梧桐 葉落沙喇
風吹梧桐 葉落沙喇
粉冷香銷 泣絳紗
風飄飄 魂在望鄉台下
夜螢螢 墓門開處鬼離家
行一步 心驚怕
原來是賺花陰 野犬吠螢花
借芭蕉 遮掩在荼薇架
原來是樵樓鼓 落寒更 報月華
休怕 休怕
待重見 窗裡冤家
重續孽緣 燈月下
開門
呀 月色透羅幃 已是更深時候㗎啦
點解仲有人敲門㗎呢下
呀 大抵係雨打竹簾 風搖鐵馬定啦 繼續訓覺
開門
明明係有人叫門之聲㗎噃
好 等我出去 睇下邊個至得
冇人呀
柳公子
你點入嚟㗎 妳幾時入嚟我都唔知嘅
小姐 我同妳素昧生平 妳點會識我㗎呢下
柳公子 素昧生平 都仍可相逢夢裡
咁相逢又何必問相識呢
好似月裡仙 降凡塵
輕弄降紗 輕弄降紗
莫非冷煙蔽月華
她雨中竟自迷途 迷途錯歸家
係唔係呀
唔係
寄寓 寄寓在柳蔭下 悲風霜乞片瓦
非關有意有意苦追查 夜半芳齋欠奉茶
妳莫借西廂送葯茶 我借盞秋燈妳小心歸去吧
嘆息我命如霧裡花 杜麗娘未有家泣孤寡
我其實係無家可歸㗎
哎 世間女子 那有無家之理㗎
唔
呀 我知啦
莫非天仙姐姐妳愛我瀟灑
所以偷偷降落在 柳生衙
可惜我一介潦倒 潦倒寒儒怕有偏差
你錯啦
既屬 有夢鑄佳話
當管不了月夜 月夜 月夜叩奔君家
慕君風華 愛君風華
盼君泣於月下 屈居柳蔭受霧雨打
盼蝶來活了解語花
哎呀小姐 點解講得好地地
妳又會淚隨聲下㗎
睇佢泣訴多風雅 悲逝水韶華
欲仿效情花再萌芽
妳是否文君新寡㗎
唔係
唔係
貞花未嫁㗎
哦 妳未嫁㗎
我獨處深閨 未嫁㗎
既是天仙 天仙 未嫁
咁就亦緣也 我福份也
想下又心中驚怕 我想下又心中驚怕
點解會相見 相見蕉樹下 哎吔
君心休怕 君心休怕
君不記 你揖拜仙觀下
風吹飛花有心 報與君在佛前為你灑
致令郎拾去我丹青畫
小姐
吓
究竟妳從何而來得㗎
好心喇公子 你何必疑雨疑雲 驚風怕雨啫
丹青畫 丹青畫
我既生於畫中 梗係來自畫中啦
來自畫中呀 等我睇下似唔似先
係噃 好似呀
係呀
咁真與假
確未有差
衹係腰瘦減
一般貌似花 丹青仙姿兩瀟灑
被冷煙 冷煙蓋玉顏
銷毀了鉛華 驟降丹青價咯
咁鴛鴦帳內 同夢去囉
又怕冰肌凍著了郎又怕
我唔怕 唔怕
又怕 又怕 聽二更斷續了兩三下
怕月照香衾閉窗莫理他
點解呀
未閉西窗 容我講句傷情話
宋玉都應憐薄命花
決不是秋風秋雨催人嫁啦
當解花有根源 玉有芽
我知妳是千金之軀 不是亂紅衰柳嘅
麗娘亦有千金價咯
我係出黃堂太守家 劫餘尚記我嘅爹娘話
佢話我係崑山良璧 玉無瑕
衹為驚夢遊園 空累我嘅爹娘掛
驚夢遊園 遊園驚夢
呀 我醒起啦
好一句驚夢遊園 好一段丹青畫戀
根深蒂固 早連芽
當日在柳川 也曾夢會一佳人
小立在梅花樹下 佢招手問姻緣
夢醒難再續 夢梅兩字
我為記情花 燈下看丹青
執手問嫦娥 嗟莫是夢中人也
卿果是夢中人 我是黃梁客
小樓作引渡仙槎 倩丹青作良媒
雖未有十斛量珠 望他日文章有價
不在梅邊在柳邊 若許夢梅能折柳
做個蟾宮客耀才華
我帶著一表寒酸 兩袖青貧
拜上黃堂談婚嫁
慢 你休向堂前求父母
莫非宰閣嫌貧掛
恐觸親心 會淚如麻
哦 梗係太守堂中
不容一個白衣嘅女婿呢 係嗎
冷香閨三載悄無人
哎 小姑居處 當然係悄無人啦
剩牙床 珠網塵封殘月下呀
哦 古話花徑不曾緣客掃
待郎採折武陵花
花是有情花 嗟我未成名終是假
柳郎 我都唔係咁嘅意思 你誤解咗我啦
痴心經已贈君 休要弄碎情芽
麗娘心 千般痛
請對奴 笑番吓
柳郎 我要你笑呀
嘻嘻
哎呀 笑得咁肉酸嘅
好肉酸咩
我同你有生死之情 梗係有生死之愛啦
嗟我冰雪身都已經硬化 似易散嘅雲霞
不堪提往事 真難言說話
借燈謎 我願君你權度吓
柳郎
吓
不如我打個燈謎俾你估吓好嗎
好呀
吓 聽住喇
咁你講啦
燈已滅
燈已滅
緣已絕
緣已絕
待等君來臨秀穴
來臨秀穴
如今仍是半明滅 嗱 你 你明未呀
我唔明呀
唉 乜你咁蠢㗎
你要俾啲心機 用個腦去諗下
咁妳等我諗真啲先啦
燈已滅 都係唔明呢 好惡猜㗎
妾長眠柳蔭 蓋面憑絳紗
在梅林夜聽秋雨 任由它飄飄向墓灑
一坏冷土是我家 風吹雨打
哎呀 什麼 什麼燈已滅 緣已絕
原來 原來妳是隻夜鬼回衙啤
哎呀 妳唔好嚇我呀你
夜鬼回衙
哎
唉
艷骨久塵埋 冷落泉台下
身在桐棺伴冷霞 由來鬼物招人怕啦
試問誰今夜接鬼回衙
一夢死三年 一見了三生
只剩得一段人鬼相思 留佳話
哎呀 麗娘 麗娘呀
麗娘 係鬼也不驚怕
我抱膝慘喚 麗娘向地爬
妳為我死咯 香銷鏡花
哭句曲終 線斷空抱琵琶
拜艷屍抱落霞
夢梅不枉我傾心也
我抱君慘喚 夢梅血淚瑕
你肯為我死 施恩更加
我不怨天 不怨地反覺榮華
復活花再萌芽
柳郎 我當年雖為落花驚閃而亡
猶幸十殿閻君 翻檢姻緣部冊
佢話我同你先有幽歡
後成明配嘅 所以雖登鬼錄卻未損人身
今日陽錄將回 陰數已盡咯
前日為郎而死 今日為郎而生
柳郎 你若能在明日未過辰牌 剜碎銅棺
我同你尚可再續姻緣之份㗎
哎呀 麗娘 麗娘 世間只有精靈不死啫
哪有三載回生之理㗎
柳郎 我又點會呃你
嗱 麗娘尚有叮嚀 我願君記取
你既以我為妻 勿誤過辰牌時份
否則過了冥期所限
即今生亦難再有相見之日矣
哎呀
哎呀
天光啦
我 我要走啦
哎呀 麗娘 麗娘 麗娘呀 哎呀 麗娘
桃花樹下把桐棺掘 待我破棺重接再生花
(張美峯小姐
多謝大家
多謝大樂隊)
Written by: 古曲, 周熾楷, 唐滌生

Voettekst Shazam

Taal selecteren:

Bedrijf

Juridisch

Google Play Store
Apple App Store
Chrome Web Store
Galaxy Store

Volg ons

© copyright 2025 Apple Inc. en haar dochterondernemingen | Verantwoordelijkheid van leveranciers
instagramSharePathic_arrow_out