新光棍姻緣 (Live)

我擔番口大雪茄咋 充生晒認係經理

撈世界就要醒目 我一於當玩把戲呀

著起西裝革履 USA 歐西美

我實在無乜聲氣口㗎 完全係靠滾

我全憑係棍番嚟

剛啱有隻大鷓鴣 嘩肥就確係肥

今晚仲約咗我去睇大戲

(幾兜野一支㗎大佬 唉鄙人羅弼 講起我就衰

乜都唔曉做 但係我有樣嘢叻 我識得滾

前滾後滾左滾右滾 今日居然畀我滾到一個靚女

佢叫做露露喎 哇犀利囉

佢一打開個荷包 張張都係金牛 帶個粒鑽石就大過粒龍眼 真係犀利

今晚約咗我嚟睇大戲 等我落足嘴頭 釣返條大魚至得

未夠鐘呀唏 仲未黎嘅呢喂 行過個邊等下佢)

老襯何妨要多手禁 我都好少理啦

猛拋啲生藕 係都要攞便宜

近日有隻肥羊 佢話住響跑馬地

佢話佢響銀行 自己揸大旗

(哼 知唔知我叫咩名呀 我叫做露露呀

識唔識呀你地 各位街坊好嗎 多謝

我係呢條街唉都有幾年㗎啦 不過無辦法啦

我身世就真係好慘 如果唔係我唔洗出黎靠滾啦

你知唔知呀 我老豆七十歲 我呀媽九十歲 我個妹得個兩歲

唉我唔想出黎滾都唔得啦

不過唔緊要 我最近識左個銀行嘅揸FIT人 佢叫做羅拔

今日約左我去睇戲呀 睇乜鬼野戲呀

我我我想去行公司 行公司先有Jetso㗎嘛係咪

唏 唔好講咁多 約左佢 等我搵下佢先

唏個羅弼呢 係邊呢)

(到未呢 咦黎啦wo hello 露露)

(哎呀哎呀 哎呀嘶)

(哎呀攞命呀真係 你搵你後面撞嘅)

(你咁心急做咩姐 唔係我只係想一個轉身想睇下)

(要睇骨醫呀 你用前面撞呀嘛)

(哎呀咩前面撞後面撞姐)

(咁耐先黎嘅你)

(你等左好耐咩)

(緊係耐啦睇下 d雪茄幾舊野一支 我食左幾支㗎啦

(下食左幾支啦)

(唉呢支食左少少 不過劈左佢啦 我有錢呀嘛)

(哎呀 撞鬼囉咁大曬嘅)

(等到我頸又長我腳都痺咯等到)

(哎呀 咁緊係啦光哥仔 你都知道㗎啦

你約我去街wo)

(係呀)

(我緊係著靚啲嚟見你)

(你睇我靚唔靚 你睇我件衫靚唔靚 你地話靚唔靚姐)

(哇 條腰仲靚呀唏)

(你慢慢呀)

你擰柳腰好似蘇菲亞羅蘭

又似嗰個寶烈吉妲

佛見到都會起大痰 啲花𡃁仔想到心爛

嫩坑中坑都無限 no money一於要斬纜

喂 我係大闊佬 派駕雪佛蘭

袋美金起碼幾萬 (幾萬)

講到伴女人好似加利格蘭 (咁犀利呀) 心郁郁想錫一啖

慢慢先生 梗會辦 飲杯先啦兼哋餐飯

(羅拔你咁心急做咩姐 成日想鍚人 咁快就鍚啦)

(都唔算呀都唔算急呀 乜你咁out㗎)

(咩out姐) (依家13, 14歲已經黎野㗎啦)

(哎呀) (鍚一啖 好濕碎咋嘛)

(咁點同姐 你睇下我呢個相 幾矜貴 幾矜持 咁容易㗎咩 吓)

(係 香港女仔係矜貴d 我知) (緊係啦)

(光哥仔我地去行公司先囉 不如)

(唔係呀 你約我睇戲㗎) (睇戲)

(今日Mr.One最後一日㗎啦呢套戲 你唔睇呢就落畫㗎啦)

(睇Mr.One呀) (Mr.One好好睇㗎好in㗎呢套戲) (哦咁in㗎)

(幾十萬人睇左㗎啦 你唔睇就無㗎啦) (咁咁咁咁)

(睇完先行公司啦好嗎) (睇完先行公司呀) (好嗎)

(咁 我想買個d咩 him him him must 咩屎 咩hinmustsi)

(買屎 屎唔洗買呀 我屋企大把呀)

(姐係買個手袋呢 好名牌個隻 我想買個個d 不過算啦算啦)

(有個屎㗎 hermas呀嘛) (係呀係呀 咩must屎)

(你個衰婆幾識買㗎下 牌中之王 hermas拿埋都幾十皮 無問題睇完戲去買)

(睇完戲哎都好啦 我地去睇戲先啦 er 咁)

(我買飛我買飛) (你買飛 er唔好唔好 羅弼 過黎 等我啦等我)

(唔洗等你 你d你d)

(唔係wo 我個d一千蚊夾住曬 爆得滯 拎唔到出黎呀 姐係頂住我銀包呀依家)

(你張張金牛人地無得找㗎 我啦 我有散紙 等我黎)

(咁咁咁 等你啦等你啦 你你你 哎呀等佢)

(死啦個兩舊去左邊呢喂 我明明袋左兩舊出黎㗎wo)

(得未姐羅拔 快d快d) (我有我有 等一陣等一陣)

(又等一陣 喂你唔係呀嘛 你對 乜乜夾) (治安唔好呀穩陣d呀)

(咁又係) (因為呢輪d治安唔好 我我我驚有人打劫) (係呀係呀)

(呢到有200蚊 你呀你拎去買飛先 買飛有淨去買d鹹 屎扣咁嘅手嘅你)

(咁唔係啦 依家廢事啦 行過一手蚊左去就無謂啦 錢黎㗎 財不可露眼 我拎我拎)

(咁你去買先啦) (係係係 我去買先啦) (快d返黎) (咁你等我啦wo)

(好呀) (你慢慢呀) (得啦) (唔洗荒呀下) (快d 我唔荒)

(唔) (唔)

(嗱呢d咁嘅要揸落嘴去 若果7,80個d掟個黎 我一拿住就掟落地bombombom踩佢幾野

唉不如執返支雪茄先 幾兜野唔係幾舊水㗎 袋返佢先 係咪呀 有錢女唔同㗎

唏咁開心 唱兩句黎聽下)

你睇下月上柳絮頭 人約黃昏後 人約黃昏後

又再月上柳絮頭 月上柳絮頭

(唱到天光都呢句㗎啦bo 咁耐都未返黎嘅 成粒鐘㗎啦我唱呢句野

死啦唔通光棍遇著個個無皮柴 個兩舊野我咪摸黃)

(佢行左邊到呢喂 行左邊到呀)

(哼咁呀 哼我又鑿左個個人兩舊水 ha你話真係幾好呀

如果日日咁樣一陣我就搵兩舊啦 點呀哥哥仔)

(哥哥仔 係呢到呀 哥哥仔)

(俾張卡片你搵我呀 得閒 好嗎)

(喂回水呀) (哎呀乜水呀你) (俾返兩舊野黎呀你) (俾返兩舊咩你姐)

(去買飛買飛 買到無雷公咁遠 咁耐都唔返黎)

(喂好心你啦 一個大男人呀又話銀行揸fit人 問人攞兩舊水你醜唔醜呀)

(喂有冇搞錯呀 你撞聾呀) (做咩呀) (我話我係銀行揸lift人呀) (喂)

(我係銀行揸lift㗎咋 哈 俾返d錢黎呀 唔俾 我揼你個八婆㗎 我話你聽呀)

(喂 你唔好再鬧我啦wo 你再係咁我我嗌非禮㗎)

(你嗌非禮我就揼你) (哎呀 真係大膽呀你)

(嗌呀) (咁多人睇住 我就唔信呀) (哼)

原來大棍騙 真谷氣 我差啲就比你氣死

如若亂碰我 我高聲嗌 你嗰陣一身蟻

哼 你想棍騙老千哥 膽包天不怕死咩

無謂亂碰我 真激氣 我根本不識你

(嗌非禮㗎) (我嗌非禮㗎) (嗌呀) (非禮呀)

(我打你㗎) (哎呀我唔信) (唔好嗌 唔好嗌 我怕你怕你啦)

你唔好嗌 你唔好嗌

啲錢都比你滾清晒

嗰二百皮係我嘅擋戰牌 碰岩你個無皮柴

帶你回去醫個肚皮

時時把萬壽拜 (肚餓呀)

喂 無皮柴遇老千真氣壞

真岩晒我哋天生一對

喂點解 你為何要扮企街唧

梗有理由 我為慈母逼要捱

唉我家陣個肚難捱

我帶你回去醫個肚皮

咁就完全通晒咯

你真係良心不欺 良心不欺

行家真呀真知己

我又何必相欺 何必相欺

行家總要通氣

撞得真正嘥心機

棍騙本來係犯法事

一於回頭不幹 我哋結知己啦

願大家結好知己

莫非你對我有真情義

我哋同諧鴛侶 你同我畫眼眉 (好呀)

咁就同諧鴛侶 相愛不相欺