你留低的信 (feat. 雷頌德)

(雷)C楠呀，我知道你會明白嘅。

  你仲記唔記得，你同我講過嗰個傳說呀？

  「如果兩個人可以喺同一時間呼出最後一口氣，

  混和一齊嘅話，第時輪迴之後，就可以有緣再喺埋一齊。」

  有時我會諗，我哋會唔會上一世，都係一齊呼出最後一口氣嘅呢，

  所以今世先有機會相遇？如果係真嘅話，我哋今世，

  只不過係無盡時間旅程中嘅其中一站啫，我每次咁諗，

  我會感到好滿足好開心，亦都唔會怕要離開。

靈魂(求能)跟你　融和於空氣

時光怎可以紊亂愛的細膩

(重溫躺於你臂內每種細膩)

一分一秒間　當中也是你　仍著意替你記住每點驚喜

靈魂早已　(如能跟你)　融和於空氣

人深信堅信這愛永不會死

默默的承諾　當可再遇你　必將這感覺細細向你說一遍

曾多麼的想你

(雷)我願意相信一切你相信嘅東西，玻璃樽裡面保存嘅，

  就係我喺世上呼出嘅最後一口氣。嗱你記住幫我寫張感謝咭，

  俾嗰位肯信我同肯幫我完成心願嘅護士，

  佢個名同地址就寫咗喺下面喇。我唔知道寫完呢封封信之後，

  幾時先要佢幫手，但我諗我都唔會再有機會重睇呢封信，

  再補充啲乜喇。你知唔知呀？我覺得我一世人最唔好彩嘅，

  就係得到呢個病；而最好彩嘅呢，就係得到呢個病，

  然後再得到你。為咗我哋來世嘅重逢，你一定要好好咁生存落去呀。

  睇錶，已經係凌晨三點喇，攰喇，有咩唔記得講嘅，

  我哋下世見面先再講啦！

  B諾