愛似林一峰 (feat. 林一峰)

你愛一架飛機 我愛一個杯

你愛我個細佬 我愛你個妹

你應愛李英愛 李英愛愛李英宰

定係愛冇話應該唔應該

愛似是陽光空氣 愛似是陽光空氣

愛 愛有人話真愛係無價

愛 愛我話真愛無得講價

首先要有大把身家 再有奶媽管家

車唔只得一架 最好有司機揸

事實係事實 愛情是現實

你無車無樓無番狗 做乜要拖我手

女人最忌無品 男人最忌無銀

所以幾百張心意卡 比唔上白金嘅附屬卡

林子祥無呃你 係你自己呃自己

鹹魚白菜也好好味

戶口得幾嚿水 仲想養埋佢個女

Oh 叫佢食陽光空氣

愛似是一間屋一張卡 一齊擔一把遮陽光空氣一輛車 (愛似是陽光空氣)

愛似是一個人一直搵 一直等個一個人一世一起瞓 (愛似是陽光空氣)

愛似是一間屋一張卡 一齊擔一把遮陽光空氣一輛車 (愛似是陽光空氣 oh)

愛似是陽光空氣

你愛我 所以你俾咗我

我愛你 所以我愛理不理

你愛我 因為我愛你

我愛你 因為佢唔愛我 (你愛我 因為佢唔愛你)

準新娘 準備紅杏出牆

搶新娘 你點同人搶

人哋送寶馬 你就送花

人哋去飲紅酒 你就飲茶

所以我愛你 唔駛理夠唔夠match

我愛你 係睇你夠不夠cash

我愛你 唔介意落雨擔下遮

最緊要多行兩步 你會揸架車

你咪叫我愛你 看你有冇誠意

你若然愛我 咪叫我與你逼巴士

有心意 但係冇生意 你叫我點樣安心鍾意

愛似是一間屋一張卡 一齊擔一把遮陽光空氣一輛車 (愛似是陽光空氣)

愛似是一個人一直搵 一直等個一個人一世一起瞓 (愛似是陽光空氣)

愛似是一間屋一張卡 一齊擔一把遮陽光空氣一輛車 (愛似是陽光空氣 Oh )

愛似是陽光空氣 (Hallelujah)

你最愛傳教 我愛狗仔

你愛睇裙子 我愛睇三仔

你愛佢有型有格 我愛睇無格

愛要嚟到嘅時候 邊個都冇辦法

愛似是陽光空氣 愛似是陽光空氣