قائد الجيش الإلهي

عباس قائد الجيش الإلهي، عباس ما لفت غيره انتباهي، حيدر من حيدر، عالـقادة تصدّر، واحد بس عسكر، قائد الجيش الإلهي سُبحان السواه، بكل موقف نلكاه، صاح الطف: الله عينك، أحله من السيف، يا جنة من إحساس، سولفتك للناس، جنني العباس، واقع أجمل من طيف ضوه للظلام، هوه للخيام، خلص الكلام، يم القمر، قمر بسماه، نزل بضماه، صاح الفرات: انت النهر، هوّه الثبات، هوّه الحياة، هوّه القضاء، هوّه القدر... بيده يا ناس، ماكو إنسان بجماله، يا ناس، الجنة غارت من خياله، روحي العاشقته، تحچي بسالفته، بالطف مرتبته، قائد الجيش الإلهي يا عين الزهراء، اسمك سر الماء، عين ولام وياء، حرزك چان بعاشور، يا ابن القرآن، يا خاتم سلمان، يالجودك طوفان، وأنفاسك نفخة صور قمر الطفوف، والكل يشوف، عدد الألوف، يمك صفر، شهم وشجاع، أمرك مطاع، قلمك حسام، دمهم حبر هله بالكفيل، هله بالأصيل، هله باليكول، كعبة الخدر... عندي أنفاس، انت للخوة الأصيلة، أنفاس، للمخيم والعقيلة، ما تعطش روحه، غيمة وشيلوحه، كاتب أطروحه، قائد الجيش الإلهي خطواتك قانون، بكل خطوة يرجفون، من تحچي يسكتون، هيبة، وغيرك انت الشيخ، يا جنة ويا نار، خزراتك إنذار، عينك من تندار، يرجف حتى التاريخ بطل النزال، أسد القتال، عندك محال، تخسر حرب، رجف الفرات، حس بالممات، يدري الاجاه، فارس صعب ملك الطفوف، ملك السيوف، ملك الرجال، ما ينغلب... سيفه ينقاس، سيفك بفقار أبو تراب، ينقاس، جفك بجف قالع الباب، عن سيفك راضي، الحاضر والماضي، مرتبتك قاضي، قائد الجيش الإلهي يا بيرغ ما طاح، قباض للأرواح، ملك الموت ارتاح، ماخذ دوره العباس موت أحمر يمناك، والكوثر يسراك، يمشي الخير وياك، من تمشي بين الناس نفس الحسين، أبو ريشتين، اسمك جبير، يا أبا الفضل، چان اللواء، في كربلاء، بلغة الخيام، همزة وصل علي من يصول، علي من يجول، علي من يقول: كول وفعـل... حيدر عالراس، رايتك تمشي ويه ريحك، عالراس، خوذتك گبّة ضريحك، يالمنطي حجاية، مخلوق الغاية، كاتب عالراية، قائد الجيش الإلهي ضل عايش ما مات، والرايد إثبات، تكضيها الحاجات، لو دك بابك محتاج يالـتنطي بجفين، منطيهن لحسين، شفناهن بالعين، ملبّس خدامك تاج اليجي للضريح، يمك يصيح، عندك دخيل، يا أبو الوفه، يمك اجيت، بيك انتخيت، وأدري اليجيك، بيك اكتفه انت القريب، انت الحبيب، انت الطبيب، وانت الشفه... أبو فاضل ينباس، جفك وجف اليزورك، ينباس، ترابك البي أثر نورك، شفته بوجداني، فارس رباني، من عالم ثاني، قائد الجيش الإلهي