งานธาตุพนมตรมใจ

เกริ่น )

งานธาตุพนม มื้อสายลม พลิ้วแผ่วแว่ววอน

ดวงเดือนแสงดาวส่องซอน

อ่วยมาซ้อน คืองามแท้เด

บ่คือฮักเฮา อุกอั่งเอ้า ฮักเฮามาเพ

เจ้าไปอยู่ไสเด้ ไปหลงเสน่ห์ สาวใด๋น้อพี่

( ร้อง )

สายลมพัดวีวี วีละวี ละวีวี่วีวอน

บ่คือสายลมปีก่อน พัดมาซอน แซมฮักสองเฮา

สายลมเจ้าเอ๋ย ปีนี้พัดเลย ถิ่มแต่ความเหงา

พัดใจอ้ายไปให้เขา ถิ่มความเหงา ถมไว้ใจน้อง

แสงเดือนดาวส่อง ยอดทององค์พระธาตุพนม

สองมือกราบก้ม พระบรมองค์พระสัมมา

พระอุรังคธาตุ อภิวาทด้วยใจศรัทธา

ปีก่อนลูกได้มาหา กราบวันทาด้วยกันสองคน

( ลำ )

เสียงเฮจ่น จักกลองฆ้องสนั่น

เสียงเฮจ่นจัก กลองฆ้องสนั่น

สาวผู้หนึ่งไห้กลั้น ไห้กลั้น พอปานฟ้าผ่าใจ

ถือดอกไม้เวียนครบสามที

เจ้าสิหนีใจนาง อีหลีซั่นบ้ออ้าย

ลมพัดพ่าย บ่มากลายแล้วละบ้อ

ลมพัดพ่าย บ่มากลายแล้วละบ้อ

น้องยังรออยู่ถ่า เดือนสามฟ้าส่องงาม

หรือเจ้าข้ามไปฮักสาวลาว

ใจสาวเมืองนคร ได้ฮำฮอนนำอ้าย

 

( ร้อง )

พอใจเจ้ามาหมายหลอกต้ม

ตั๋วสาวธาตุพนม ให้ก้มหน้ากู่สู่

คนอื่นยิ้มแย้มแจ่มใส

แต่น้องยืนไห้ ใจบ่เป็นตาอยู่

สิได้บุญนำเขาแหน่บ่บู๋

แนวคนเป็นคู่ บ่โค้งต่าวคืนมา

( ลำผญาย่อย )

จั่งว่า จั่งว่า เจ้าผู้วาจาต้ม ขมเครือ กอฮอนี่

เจ้าผู้ปียอดกล้วย ยอดกล้วย

คันเห็นแล้วส่วยแต่ปลาย

อ้ายพี่ อ้ายพี่ ผู้ดีของนางเอ้ย

คนผู้เคยซมซ้อน วิงวอนให้โค่งต้าว

แหน่เด้อพี่ชายเอ้ย ให้บุญจับจ่องน้าว

ให้ซาวอ้าย ดอกอ่วยมา

ป่าล่า ป่าล่า บูชาพนมน้อ

น้องได้รอถ่าอ้าย คือจั่งหมายเจ้าว่า

คำสัญญามื้อนั้น บ่ผันปิ้นละเปลี่ยนแปลง

บ่เปลี่ยนแปลง กะจั่งว่าแก้มแป่งแส่ง

ไปหลงแยงผู้ใดเด้ ผู้ใดเด้

( ลำ )

เป๋ไปแท้ ทางได๋ล่ะน้อพี่

เป๋ไปแท้ ทางได๋ล่ะน้อพี่

งานพระธาตุปีนี้ ได้ยืนหน้าฝ่าลม

น้องได้ก้มน้ำตาหล่นลงดิน

พอปานชีวินพัง อั่งมะโนกะใจแท้

บ่มาเเว บ่มาเทียวถามจอด

ยังคิดฮอดอ้ายนั้นอยู่คือเก่า

อย่าให้นางเหงา เด้อชายเด้อ เด้อชายเด้อ