សម្បថមួយពាន់ពាក្យ

រសជាតិជីវិត ខ្លឹមចិត្តស្នេហា បញ្ជាក់សញ្ញា ប្រាប់ថាថ្ងៃនេះ ជាជើងមេឃថ្មី ឈាមក្រហមឆ្អៅដៅជាប់ដៃស្រី លោកនេះគ្មានអ្វី បំផ្លាញទាសី នៃចិត្តស្មោះបាន ដំណក់ឈាមស្រក់លើសមុទ្រធារ ឈាមចិត្តបូជា ពិភពស្នេហា នៃយើងពីរប្រាណ ធរណីរនាំងព្រះត្រាស់និពាន្វ គ្មានអ្វីអវសាន រំលាយវិមាននៃស្នេហ៍ភក្ដី រលកទូកតូចព្រះពាយរំភើយ សមុទ្រនិងព្រះចន្ទអើយ ពេលនេះអ្នកហើយដែលជាសាក្សី ជួយចាំសម្បថថាមួយពាន់សំដី ឆ្លាក់ដោយហឫទ័យ នៃស្រីម្នាក់ស្មោះចំពោះស្នេហា ពាក្យពេចន៍ចិត្តអ្នកប្រកាសស្បែស្បថ បើប្រែរលត់ ថ្ងៃក្រោយស្រីក្បត់ ចិត្តប្រុសជីវា សូមឱ្យវត្ថុសាកសិទ្ធនានា មកផ្ដាច់ជន្មា ផ្ដន្ទាខ្ញុំចុះក្បត់ប្រុសអភ័ព្វ ពាក្យពេចន៍ចិត្តអ្នកប្រកាសស្បែស្បថ បើប្រែរលត់ ថ្ងៃក្រោយស្រីក្បត់ ចិត្តប្រុសជីវា សូមឱ្យវត្ថុសាកសិទ្ធនានា មកផ្ដាច់ជន្មា ផ្ដន្ទាខ្ញុំចុះក្បត់ប្រុសអភ័ព្វ