ขอพรปู่ศรีสุทโธ

(ลำ)ละเสียงเอ๋ย......เสียงอ้อน จาก นกน้อย อุไรพร มาวอนก้มพนมส่ง สำนวนคนกราบก้มบังคมน้อมนพคุณ พระเมตตาค่าคุณ ได้อิงอุ่นยามอุกใจ ฮ้อยมาลัยมานพยกมือขึ้นทวยไท้.....องค์ปู่ศรีสุทโธเจ้า ผู้แยงเงาได้ซ่นเพิ่ง......ลูกแยงยอมาเถิง ให้ซุมเลิงคือแต่เค้าพระพรเจ้าให้ซ่อยไข ละแม่นสิทุกข์ยากฮ้ายภัยผ่านมาถาโถม ขอปู่โจมหัวซุก ให้ลุกยืนบ่กลัวย่าน ลูกสิหานบ่ยามย่อ ภัยหยังน้อสิมาผ่าน ขอพระคุณเมตตาเวทนาเฮียมนกน้อยผู้มาอ้อน วอนๆหา.....ศรัทธามี............ ให้นำป้อน...........

(เพลง)เสียงนกน้อยลอยลมเหมือนพวงมาลัย จากห้องหัวใจดวงนี้น้อมขอบูชา ถวยมือก้มกราบเคารพพร้อมนพวันทา โฮยฮวมศรัทธามาขอพึ่งบารมี........

องค์เจ้าปู่ศรีสุทโธผู้เป็นร่มไทย หลักกิ่งหัวใจ สธิตในชั่วนิรันดร์กาล ลูกน้ำตาตกเหนื่อยล้าแสนทรมาน โพยภัยหลายด้าน ฮุ้มฮ้อมล้อมมาเป็นวง........

(ลำ) ลูกอ่วยโค้งมีความประสงค์ ขอพรพ้นผ่านพัดพานเอาฮ้ายภัยร้ายห่างหนี ทุกข์โศกที่ถมทับมีมาไลลาศูนย์ห่างใกลบ่อนเว้น เวรหยังน้อกรรมหยังบ่พอทับเทินทื่นท่วง ขอพรปู่เจ้ายอไหว้ใส่หัว.......

(เพลง)ไม่ลืมตัวนกน้อยถึงบินมาใกลจะอยู่แห่งใด๋ก็ยังระลึกเรื่อยมาโจมหัวลุกขึ้นให้ฟื้นด้วยความเมตตา สาธุเด้อค่า......ลูกหลายขมาทุกอย่าง...

(ลำ) ความหนุนค้ำตามแนมทุกอย่างเทียนขันดอกไม้ยอไว้ที่สูง หมากจีบพร้อมขันแต่งพลูพัน ขอวันทานพบูชาด้วย ตองจีบสวยมาลัยแสนสวยพร้าวกวยอ้อยแต่ง ขันแพงเครื่องพร้อมหอมเอ้าส่งเถิง.............

(เพลง)

ตั้งวาจาพร้อมกายและใจสามสิ่ง ลูกขอซ่อนพิงปู่ศรีสุทโธนาคา ให้แฟนเหนือใต้อีสานออกตกถามหา อย่าได้โรยรา ยืนหนึ่งในห้องใจผู้ฟัง ยืนหนึ่งในห้องใจท่านผู้ชม

(ลำ) ขอกราบก้มลูกขอพนมเพรียงพร้อมน้อมใส่ยอใจยกไหว้ถวยก้ำกายกอน อย่าให้ฮ้อนภัยสิ่งทั้งหลายหญิงชายแฟนฟัง ให้อั่งออคือเค้า ยอมือเว่าถึงคุณองค์ปู่โจมหัวสู้ ยามย่านบ่ถอย.....

(เพลง) เสียงนกน้อยออดออยวอนหา เสียงนกน้อยวอนส่งมาหา น้อมพวงมาลาบูชาเจ้าปู่............ปู่ศรีสุทโธนาคาเจ้า..........