คิดฮอดสาวสกลนคร

อยู่ห่างกันไกล บ่ได้พ้อหน้ากันมาตั้งโดน

คิดฮอดหลายเด้หน้ามน คิดฮอดสาวเมืองสกลนคร

ซำบายดีอยู่บ่ อ้ายอยากไปพ้อหน้างามงอน

คิดฮอดอีหลี น้องนางเนื้ออ่อน แม่ขนตางอนวานอนนิวาส

คิดฮอดวันเก่า ที่เฮาได้เว่า ได้จานำกัน

อ้ายยังบ่ลืม…วันนั้น เฮาสานสัมพันธ์ฮักกันมั่นใจ

อ้ายจับมือน้อง น้องกุมมืออ้าย พากันหย่างไป

สัญญาฮักกันงานไหลเรือไฟ ยังจำได้ไหม ละหนอน้องหล่า

(ซ้ำ)**จากกันมาดนมื้อได๋สิได้พ้อหน้า อยากสิไปพ้อ….ไปหา แต่ว่าเวลาบ่ค่อยสิมี

ว่างงานมื้อได๋ แล้วอ้ายสิไปหอมแก้มคนดี เก็บใจรออ้ายหน่อยนะน้องพี่ บ่ดนอีหลีสิไป พ้อหน้า

จงเก็บใจรออ้ายเด้อแม่ช่อจำปา บ่ดนปานได๋ดอกหนา สิหาเวลาไปเยี่ยมไปเยือน

อย่าให้ผู้ได๋ เข้ามาแบ่งใจน้องนะขวัญเรือน แข็งไว้เด้อใจอย่าได้แชเชือน บ่ดนฮอดเดือนดอกอ้าย…สิไปพ้อ