ที่สุดของความเจ็บ

A.1 หากนักต้มตุ๋นแฝงตัว เข้ามาตั๋วอ้าย

ถึงเสียใจกะบ่หลาย ถือว่าเสียฮู้เขา

หากคนทำร้ายอ้ายเป็นโจร เจ็บบ่โดนกะคงสิเซา

แต่นี่คนเฮ็ดเป็นเจ้า ที่อ้ายฮักหลาย

B. กะเลยเจ็บ...จนบ่มีหม่องสิอยู่

เมื่อได้ฮู้…เจ้าแอบมีเขาเซียงไว้

บ่เคยเฉลียวใจ คนทำร้ายอ้ายสิเป็นเจ้า

Hook เจ็บกว่าซุอย่าง เมื่อถูกหักหลังจากคนฮัก

เจ็บอีหลีเจ็บคัก เมื่อคนอ้ายฮัก...กอดกับเขา

บ่ได้เจ็บแค่มื้อนี้ คงเจ็บตราบที่ใจเต้นบ่เซา

แผลฮักจากเจ้า คือที่สุดของความเจ็บ

A.2 หากโดนผู้บ่หวังดี มาดักตีอ้าย

คงพอเฮ็ดใจได้ อ้ายอาจขีนตาเขา

แต่ว่าคนฮักกันนานมา ยามเจ็บป่วยป้อนยาป้อนข้าว

อ้ายยังงงบ่เซา คือเฮ็ดกันได้ (ซ้ำ B,Hook )