Titres les plus populaires de ลายพิณ ชินราช
Paroles
แล้วบาดนี้ สุดแต่ลำทางสั้น หันทางยาวจ้าวทางล่อง ฟังเอาเด้อพี่น้อง
สมัยจ้องส่องแต่จอ จับมือถือขึ้นจ้อ เอานี้วเขี่ยปานหาเห็ด ยุคสมัยคนติดเฟส
จ้องแต่จอจนคอเค้น เป็นไปเบิดน้อป้า วัยชราพวกคนหนุ่ม รุ่นกดปุ่มเผิ่นบ่ใช้
เอาไว้ได้แค่โทร หาชื้อรุ่นโก้ ๆ ออกใหม่คือไอโฟน บ่ทันดนเด้อครับ
รุ่นใหม่มากะหาชื้อ เปลี่ยนมือถือปานของเล่น นอนเว้นเอานิ้วเขี่ย
ผัวกับเมียฮอดบ่เว้า หันหลังเข้าผุละแจ เสียงลูกไห้แอ้ๆ โยนลงอู่เอาตีนกวย
กูหนหวยมึงหลาย แอ่วหยังนอนแม้ แม่ละคาแต่ก้ม ลูกหิวนม อมโป้ห่อน
สังคมเฮาเดือดฮ้อน เป็นย้อนเฟส ลาย เป็นพ่อม่ายแม่ม่าย ฮ้างหย่าป๋าหนี
ตีกันจนปางตาย ย้อนเฟสไลน์น้อป้า กะเลยเกิดปัญหาครอบครัวหล่ม ย้อนสังคมก้มก่อซ่อ
เฒ่ารุ่นแม่เฒ่ารุ่นพ่อ กะขอเป็นเพื่อนรุ่นลูกเต้า หลานเหลนหล่อนเจ้าเบิ่งเอา
ยุคสมัยผุ้เฒ่าติดเฟสบุ๊ค มันอุ๊กหลาย มีทางไลน์ ทางเฟส โฟสต์เป็นคอมเม้น
เป็นไปเบิ๊ดน้อป้า วัยชรา.. ความคิดเห็นกะยังฮู้ ลองเบิ่งดู้รุ่นปู่ย่า
ขนาดใส่แวนตาแล้วนั่งยิ้ม เอามื้อจิ้มเขี่ยแต่จอ มันระบาดกะด้อออกใหม่มือถือ
เขามีโปรโทรฟรี ยุค 4G น้อป้า กะเลยพากันเว้น จังหันเพลกะบ่ส่อง
เสียงระฆังและฆ้องกองตุ้มปู่เผิ่นตี โพสต์ อันนั้นโพสต์อั้นนี้จักแนวอยู่แนวกิน
ของจังหันฉันเพล ให้แต่งหาพาด้วย แนวของกิน อยู่ในถ้วย หลวงตาจ้ำแต่แจ้ว
แนวขาดแม่ออกค้ำ หลวงตาจ้ำแต่แจ่วบอง ไปแหน่เด้อพี่น้อง ให้ไปส่องทางวัด
หากขัดกันสิบรรลัยดั่งโบราณเว้า จำคำสอนของผู้เฒ่า เคยได้ยิน บ่น้อท่าน
บ้านกับวัดขัดกันบรรลัยแน่ บ้านจะแย่หากขาดวัดดัดนิสัย บ้านกับวัดขัดกันจะบรรลัย
พ่อออกแม่ออกติดเฟสไลน์ จนลืมไปจังหันเพล
โอ้ย.. คันมันเป็นแนวนี้ พระเณรกะบ่แก่น พุ้นเด้อ ยามตาย ให้หมู่นั้นแหล่น
นิมนต์พระบ้านนั้น นิมนต์พระบ้านนี้ มาให้มาติกา กุสะลาธรรมา เอ้ย โฮ๊ะ โอ่ น้อ
Written by:
