บึงกาฬบ้านอ้าย (ช้า)

A.1 บึงกาฬบ้านอ้าย เคยมาไป่น้อหล่าคนงาม

สุดแดนสยาม เมืองน้ำดำ นามว่าบึงกาฬ

อ้ายขอเชิญชวน ให้มาเที่ยว ม่วน ๆ นำกัน

 เพื่อสร้างเสริมความสัมพันธ์ ให้มันหมั่นแก่น เหนียวแน่นแสนปี

A.2 บึงกาฬบ้านอ้าย จังหวัดใหม่ อยากให้คนงาม

แวะมาเยี่ยมยาม เบิ่งความงาม แดนดินถิ่นนี้

ภูงัว ภูสิงห์ หนองกุดทิง งามหลายอิหลี

วัดถ้ำศรีธน-ท่าลี่-น้ำตกเจ็ดสี สวยเกินบรรยาย

Hook.1 ยามเข้าพรรษา อ้ายสิพา เที่ยวงานแข่งเรือ

มีปีละเทื่อ งานแข่งเรือสองฝั่งลาว -ไทย

 แล้วจั่งไปล่อง แพอยู่หนองเลิงให้เย็นใจ

แก่งอาฮง บึงโขงหลง กะสิพาไป

 ภูทอกบอกเลยว่าอ้าย สิพาน้องไต่ขึ้นไปเที่ยวชม

 A.3 ศาลแม่สองนาง คือศูนย์กลาง สร้างความสัมพันธ์

ของไทบึงกาฬ ที่ผูกพันกันมานานนม

อยากให้คนงาม แวะมายาม มาเยี่ยม มาชม

ดินแดนแห่งความรื่นรมย์ รับรองสุขสมใจแท้แน่นอน

Hook.2 อ้ายสิอาสา เป็นไกด์พา เที่ยวเมืองบึงกาฬ

ให้สุขสำราญ คันแมนว่า มาเที่ยวบ้านอ้าย

สิพาไปล่อง แพอยู่หนองบ่อโซ่พิสัย

ถ้ำฝุ่น ถ้ำพระ หาดสีดา กะสิพาไป

ตอนกลับสิพาไปไหว้ หลวงพ่อพระใหญ่ วัดโพธาราม

A.4 บึงกาฬบ้านอ้าย หม่องพักใจ มีหลายคักแหน่

รื่นรมย์บ่แพ้ จังหวัดได๋ ในแดนสยาม

คนกะใจดี เอื้ออารี มีคุณธรรม

อย่าลืมแวะมาเยี่ยมยาม สานความสัมพันธ์ ต่อกันเด้อหล่า