阮的故鄉南都

寶島舊府城 懷念阮的鄉裡 自從離開來到異鄉 已經過數年 阮想起細漢彼時 故鄉的代誌 惜別彼時唱著彼條 山明水清的詩歌 你看覓請你看覓 阮的故鄉真正美麗 黃昏景色水鴉雙雙 像桃源仙景 月娘光夜暝 大家都來海邊 唱歌跳舞歡歡喜喜 忘記夜更深 想彼時人人講阮 會唱甲會跳 阮也唱著舊城南都 山明水清的詩歌 你看覓請你看覓 阮的故鄉真正美麗 月夜海景寶島聞名 故鄉的海邊 今日阮收著 爸爸寄來批信 望伊捉著大批烏魚 好運得財利 真歡喜乎阮 一時爽快有元氣 阮也唱著舊城南都 山明水清的詩歌 你看覓請你看覓 阮的故鄉真正美麗 大魚小魚游來游去 阮的故鄉南都 山明水清 山明水清